WILLEMSTAD – Surinam Airways (SLM) ta adaptá entrante 1 di mei 2026 e skema di bula regional di i pa Miami. Ku esaki ta kanselá e ruta via Kòrsou.
Ta trata di e buelonan Paramaribo–Kòrsou–Miami i Miami–Kòrsou–Paramaribo. Ta para e buelo dirèkt entre Kòrsou i Miami tambe.
Segun e kompania di aviashon e ruta Paramaribo-Georgetown-Miami sí ta keda eksistí. Ta kontinuá ku e buelonan aki segun e skema aktual.
Konsekuensia pa pasaheronan
SLM ta indiká ku e adaptashon ta basá riba konsiderashonnan operashonal i komersial dentro di e ret regional.
A kambia reservashon di pasaheronan, ku ta di buk riba e ruta Paramaribo–Miami, pa e siguiente buelonan disponibel. Pasaheronan ta risibí informashon di esaki via e sistema di reservashon.
Kambio di reservashon no ta posibel pa pasaheronan ku un pasashi riba e ruta Kòrsou-Miami. Nan por pidi nan sèn bèk via nan agente di biahe òf, den kaso ku nan a buk dirèkt, via Surinam Airways.
E pasaheronan konserní ta risibí un anulashon ofisial i, si esei ta aplikabel, un skema di biahe adaptá.