KRALENDIJK – E grupo Air France-KLM ta e promé kombinashon di aerolínea ku formalmente a mustra interes pa adkerí un partisipashon minoritario den TAP Air Portugal. Gobièrnu di Portugal ta trahando riba e privatizashon di kasi 50% di e kompania pa rekobrá miones di euro na ayudo estatal ku a wòrdu duná durante krísis di COVID-19.
Air France-KLM a bisa riba 25 di sèptèmber ku lo entregá un “expression of interest” pa un partisipashon di 44,9%, ku tin un balor kalkulá na mas ku 800 mion di dóler. Un 5% mas ta reservá pa empleadonan di TAP. Ta spera ku Lufthansa i International Airlines Group, doño di British Airways, Iberia i Aer Lingus, lo hasi un propishon konkreto den e simannan benidero.
Tur proposhishon mester wòrdu entregá promé ku dia 22 di novèmber awor. E proseso di privatizashon ta spera pa keda kompletá na kuminsamentu di 2026.
Konsolidashon
E inklushon parsial di TAP ta pas perfektamente den e lucha pa mas konsolidashon den sektor di aviashon na Europa. Resientemente tame AirFrance-KLM a kumpra parti di e kompania Scandinavian Air System (SAS).