KRALENDIJK – Biblioteka Públiko Boneiru a keda nominá pa título Organisashon Gubernamental Mas Positivo di e Aña den BIDA Awards. E nominashon ta yega despues di un aña ku hopi desaroyo, den kua e biblioteka a transformá su mes na un sentro pa komunidat moderno i akesibel pa tur habitante di Boneiru.
Na mart 2025, e biblioteka a muda pa un edifisio nobo na Kaya Amsterdam, un paso importante den e transishon pa bira un “biblioteka pa komunidat kompletu. E lokalidat nobo ta ofresé mas espasio i fasilidat ku ta yuda bibilioteka ehersé su ròl sosial mas ámplio ku e biblioteka. E diseño moderno—ku hopi atenshon pa identidat di Boneiru—ta inkluí un zona infantil, un zona pa hóben, un SpaceMaker, kamber di estudio i reunion, i lugánan di trabou fleksibel. E konsepto ta dirigí riba lesamento, siña, krea i topa ku otro hende di forma mas fásil.
E impakto tdi e kambionan tabata visibel mesora: den e promé simannan despues di a habri, miles di bishitante a yega i basta miembro nobo a registrá nan mes—kasi mesun kantidat ku normalmente ta registrá den hinter un aña. Skol i organisashonnan komunidat tambe a adoptá e biblioteka nobo rápidamente.
E ekipo di Biblioteka ta risibí hopi apresio pa nan atenshon kaloroso resepshon amistoso den un ambiente luminoso. Ku programa pa muchanan chikí, hóben, adulto i skol—i ku atenshon kontinuo pa abilidatnan digital i partisipashon kultural—e biblioteka ta demonstrá di manera konsistente ku nan ta presente pa tur habitante di Boneiru.
Voto
Habitanten ku ke sostené e biblioteka den su nominashon por duna nan voto via e website di BIDA Awards: www.bidawards.nl.