KRALENDIJK –Na biblioteka ta start dentro di poko un inisiativa nobo kaminda kreatividat, enkuentro i siña pa bida largu ta para kompletamente sentral. Bou di e nòmber “Mei luna di kreatividat” e biblioteka ke inspirá un grupo ámplio di habitante i bishitante pa partisipá aktivamente na aktividatnan kultural i kreativo.
E kampaña ta dirigí spesialmente riba grandinan di 60 aña bai ariba, pero ta enfatisá ku kreatividat no konosé edat. “Kreatividat no tin edat” ta un di e lemanan sentral di e programa. Na mes momento tur hende ta bonbiní: di bishitantenan fiho te personanan ku pa promé biaha ta pone un pia den e biblioteka.
Durante luna di mei ta organisá diferente tayer i aktividat, tantu den biblioteka komo den barionan. Pensa riba arte di palabra, músika, tayernan kreativo i un paseo di arte. Momentonan di enkuentro, manera enkuentro ku kòfi i te, tambe ta hunga un ròl importante. E meta ta kla: trese hendenan huntu, stimulá kreatividat i kontribuí na un bida aktivo i komprometé pa tur edat.
Un parti importante di e programa ta e Festival Makerspace, kaminda partisipantenan mes ta kuminsá traha ku proyektonan inovativo i kreativo. Un di e inisiadónan a bisa lo siguiente: “Bo no ta nunka bieu di mas pa siña. Bida no konosé edat i esei ta konta pa kreatividat tambe.”
Por haña mas informashon i por registrá via e siguiente link