KRALENDIJK – Riba djamars 5 di mei libertat i kompañerismo ta sentral atrobe na Boneiru durante e di sinku edishon di Festival Reggae Freedom. E evento ta tuma lugá riba Dia di Liberashon i ta brinda un programa di dia i un programa di anochi ku kuminda, diálogo i músika bibu.
E organisashon ta den man di Fundashon Eduká Boneiru (FEB), ku ta organisá e festival e aña aki atrobe ku e meta pa stimulá enkuentro i union. Durante dia e programa ta kuminsá 12’or na Tera Kòrá Rènch ku asina yamá Kumindanan di Libertat: un sòpi kayente grátis kaminda bishitantenan por kai sinta libremente.
Reflekshon i enkuentro ta sentral
Banda di e kuminda konhunto tin espasio pa profundisashon. Ta mustra por ehèmpel imáhennan di sine tokante historia di guera na Aruba, Kòrsou i Boneiru, tambe material di Four Freedoms di e presidente Merikano Franklin D. Roosevelt.
Tambe tin aktuashon musikal di alumnonan di guia di kanto Annemiek Heep i diskursonan bou di guia di Naidy Cicilia-Marchena, den koperashon ku Bert van Bergen, presidente di FEB. Bishitantenan por partisipá tambe na un kòmbersashon habrí tokante nifikashon di libertat awe.
Programa di anochi ku aktonan di Reggae
For di 5’or atardi e festival ta bai Bou di Pal’i Tamarein na Tera Kòrá. Einan ta kuminsá e programa di anochi ku aktuashonnan bibu di aktonan di reggae di den region, entre kua The Bon Irie Boys di Boneiru, I Culture di Aruba i The Lions Band di Kòrsou.
Atmishon pa e festival ta grátis i ta dirigí riba un públiko ámplio. Segun e organisashon músika ta sentral komo forsa pa uni. “Libertat bo ta selebrá ku otro,” segun FEB.
Koperashon i meta
Ta organisá e festival den koperashon ku entre otro e V-fonds, Komité Nashonal kuater i sinku di mei, Entidat Públiko Boneiru i SKAL. Ku e programa e organisashon no ke selebrá solamente libertat, pero tambe kontribuí ku traspaso di balornan i storianan nobo na generashonnan.
E tema di e aña aki ta basá riba Four Freedoms: libertat di ekspreshon, libertat di religion, liberá di defisiensia i liberá di miedu.