KRALENDIJK – Institushon Hudisial Karibe Hulandes (JICN) di Boneiru a tuma medidanan aña pasá pa aliviá e preshon riba e prizòn. Ku esaki e problemanan di kapasidat struktural no ta solushoná ainda. Esaki e Konseho pa Aplikashon di Lei ta bisa den e rapòrt de Staat van de Rechtshandhaving Curaçao 2025.
Den verano di 2025 sekretario di estado di Hustisia i Seguridat a informá Tweede Kamer tokante e situashon difísil. Pa krea espasio Ministerio Públiko BES tabata manda estranheronan den e kadena di hustisia penal bèk. Asina por a yama e personanan ku mester a bin entregá nan mes i ku tabata warda basta tempu kaba pa bin sinta nan kastigu.
Solushon struktural den proseso
Manda estranheronan bèk no ta un solushon struktural, Konseho pa Aplikashon di Lei ta enfatisá. Ta elaborando aktualmente alternativanan, entre otro ampliashon di kapasidat, detenshon den fase i ekspanshon di posibilidatnan pa liberashon kondishonal pa estranheronan. Un parti di esei ta rekerí un kambio di lei.
Na 2026 a kuminsá ku un trayekto di dos aña pa detenshon den fase, entre kua e posibel realisashon di un departamentu protehá limitá. Servisio di Institushonnan Hudisial ta investigando e kapasidat nesesario i a pidi Empresa di propiedat inmóbil di Reino pa sigui desaroyá dos opshon pa ekspanshon.
Ménos ousensia pa motibu di enfermedat, mas atenshon pa re-integrashon
JICN a baha e ousensia pa motibu di enfermedat di djesdos pa nuebe porshento. E institushon ta traha tambe riba un vishon mas ámplio riba detenshon i re-integrashon, kaminda kontakto ku e mundu eifó ta sentral. Pa hóbennan adulto entre djesocho i bintitres aña a start un eksplorashon pa lugánan di detenshon separá i mihó preparashon pa bolbe bèk den komunidat.
E Konseho pa Aplikashon di Lei ta ekspresá su apresio pa e inisiativanan aki, pero ta enfatisá ku e problemátika di kapasidat struktural mester di atenshon permanente.
Lesa aki e rapòrt: 2025 — Staat van de Rechtshandhaving Caribisch Nederland