KRALENDIJK — Dia di Obrero na Boneiru e aña aki tabata karakterisá pa selebrashonnan chikitu di e diferente sindikatonan na e isla, reflehando riba e posishon di empleadonan i e desaroyonan aktual den e merkado di labor.
Na nòmber di e AFBW , presidente Cherrel Kwidama a mustra riba importansia di unidas entre trahadornan i koperashon ku gobíernu I dunadónan di tabou. Kwidama a mustra tambe riba importnsia di un gobernashon stabil, práktikanan hustu di trabou i mihó kondishonnan di trabou. ‘Huntu nos por protehá e derechonan di trahadónan i traha pa un desaroyo balansá’ segun Kwidama.
Tafila Janga di e sindikato di gobíernu ABVO Boneiru a papiamento di e negoshashonnan aktual i nan ku ta bin tokante kondishonnan di trabou i a destaka desaroyonan mas amplio, manera diskushonnan tokante gastunan di gobièrnu i e impakto di kambionan teknológiko. ‘Nada den e mundu di trabou tin mas balor ku e ser humano’ Janga a bisa.
A pesar di desapoyonan rápido di teknología, segun Tafila Janga e ser humano ta keda e faktor mas importante na trabou.
(Pòtret: ABC Online Media )
Resiliensia
Den un mensahe pa e okashon, gezaghèber John Soliano a suprayá e importansia di protekshon di trahadónan i inbertí den edukashon i desaroyo pa fortalesé e resiliensia den e merkado di trabou.