KRALENDIJK - Piskabon ta anunsiá su partisipashon resien na selebrashon di Dia Internashonal di Koperativa, dia 4 di yüli ultimo na Kòrsou, ku e lema: Kooperativa pa un miho mundu! E okashon signifikante aki, manera deklará pa Nashonnan Uni, ta dediká na destaká e kontribushonnan di kooperativanan rònt mundu i promové union, sostenibilidat i prosperidat den komunidatnan.
Representantenan di Piskabon a djòin koleganan kooperativa, lidernan lokal, i organisashonnan partner na Kòrsou pa marka e evento. E atardi tabata yená ku diskursonan inspirativo, interkambionan kultural, i aporte kolaborativo di tur presente, tur dirigí na fortalesé prinsipionan di koperashon i fomentá sosten mutuo entre piskadónan i otro sektornan.
Fortalesé Asosiashonnan
Durante henter e selebrashon, e delegashon di Piskabon a partisipá den diálogonan konstruktivo ku kooperativanan regional, kompartí eksperensianan i mihó práktikanan relashoná ku piskamentu sostenibel, maneho di rekurso i empoderashon di komunidat. E bishita aki a enfatisá e ròl vital ku koperativanan ta hunga den ekonomianan lokal i e importansia di traha huntu pa un maneho responsabel di rekursonan marino.
Piskabon a reafirmá su dedikashon na promové peskeria duradero i empoderá su miembronan pa medio di edukashon i inovashon. E koperativa ta kere ku partnershipnan atraves di frontera i sektornan ta esensial pa superá retonan i garantisá un futuro resiliente pa komunidatnan di piskadó.
Piskabon kier a gradisí su partner, Federashon Kooperativanan Uni di Produkshon, organisadónan, i miembronan di komunidat na Kòrsou pa nan kaluroso bon biní i pa hasi e selebrashon di Dia Internashonal di Koperativa un eksperensia memorabel i signifikante.
Foto Piskabon