KRALENDIJK – Minister Mirjam Sterk di kuido duradero a bishitá Mental Health Caribbean (MHC) i Sentro Nos Perseveransia (SNP) na Boneiru, durante su bishita di trabou na Boneiru E bishita a tuma lugá bou di e preshonan kresiente riba kuido di salú mental den region.
E minister a ser risibí pa direktora Kathelijne van den Boogert i e ekipo di maneho. Durante un tour, e a sera konosí ku e práktika di tur dia di MHC, inkluso tratamentu di dia, entrenamentu i akompañamentu orientá riba rekuperashon. SNP ta un sentro di aktividat di dia ku ta ofrese guia na personanan ku un antesedente sikiátriko.
Despues di esaki, a tuma lugá un konbersashon tokante e retinan ku kuido di salú mental na e islanan ta enfrenta. Esakinan ta inkluí entre otro e demanda kresiente di kuido, eskases persistente di personal i e ròl di pobresa komo faktor kresiente den problemátika mental. Kuido di hubentut, kuida forénsiko i e koperashon den e kadena di kuidado tambe a bini filante durante e deliberashon ku minister Sterk.
Fasilidatnan
E bishita a forma parti di un biaha di trabou mas amplio di e minister na Hulanda Karibense, den kuál el ta laga su mes informá na lugá riba e estado di e faslidatnan públiko na e islanan.