KRALENDIJK – Reef Renewal Foundation Bonaire (RRFB) ta informá ku e konstrukshon di su Coral Lab nobo ta avansando di un forma bastante rápido. Sistemanan importante ta wòrdu instalá aktualmente i e fasilidat ta kuminsá tuma forma.
Siman pasá, empleadonan di RRFB huntu ku e ekipo di Aquatic Innovations a traha riba e areglo di e laboratorio. Tankinan, sistemanan di filtráshon i tubería ta wòrdu instalá aktualmente, mientras ku e espasio pafó — inkluso kamindanan i un dèk — ta den desaroyo.
Segun RRFB, e meta ta pa kuminsá ku operashonnan di prueba pa kria koral kaba den e luna ku ta bin aki. E promé tipo di koral ku lo kria ta e asina yamá groefsenherskoraal (Diploria labyrinthiformis).
E laboratorio nobo tin komo meta pa amplia konsiderablemente e kapasidat pa rehabilitashon di e ref na Boneiru. Banda di kriamentu di koral, e fasilidat lo wòrdu uzá tambe pa mikro-fragmentashon, investigashon i aktividatnan edukativo.
Apoyo finansiero
E proyekto a bira posibel ku sosten di e Entidat Públiko Boneiru i varios ministerio holandés, vai e programa "Nos ta biba di naturalesa".