BRIDGETOWN, Barbados – Orkan, debe i insertidumbre mundial a pisa hopi riba e ekonomianan di Karibe na 2025. E kresimentu regional a baha te na 0,6 porshento — e nivel mas abou den hopi aña — mientras Guyana komo e úniko eksepshon a skor mucho mas haltu ku su entrada di petroli. Esaki por lesa de e edishon mas resine Caribbean Economic Review and Outlook 2025-2026 di Caribbean Development Bank (CDB).
E kresimentu regional, sin Guyana, a desaselerá di 1,4 porshento na aña 2024 pa 0,6 porshento. Inkluyendo Guyana e kresimentu tabata di 4,7 porshento. Turismo a apoyá na e aktividat ekonómiko, ounke na un ritmo mas abou, mientras e resultadonan pa ekonomíanan ku ta eksportá materia primo tabata variabel.
Diferente pais a haña golpi di disturbionan klimátiko i preshon eksterno. Jamaica a wòrdu afektá dor di orkan Melissa, mientras e ekonomia di Haïti a kontraé pa e di shete aña konsekutivo dor di insiguridat persistente.
E merkado di trabou a keda relativamente stabil i e inflashon a baha, aunke ainda mas haltu ku e nivel prépandemia. E prestashonnan presupuestario tabata variabel, ku nivelnan haltu di debe den hopi ekonomia.
Perspektiva
Pa 2026 ta sperando un kresimentu di 1,1 porshento, ekskluyendo Guyana, i 6,2 porshento inkluyendo Guyana, mayormente kousá pa ekspanshon adishonal di produkshon di petroli. E perspektivanan ta keda insiguru dor di tenshonnan geopolítiko, riesgonan klimátiko i vulnerabilidatnan den finansa gubernamental.