Show di vurwèrk mas grandi bisto na Kòrsou mester sigui stimulá e keintura di Kampeonato Mundial

WILLEMSTAD – Kòrsou ta haña segun su mes palabranan e show di vürwèrk mas grandi bisto riba e isla. E evento ta tuma lugá na Caracasbaai, ún dia promé ku Kòrsou hunga su promé wega kontra Alemania.

Segun e organisadónan e programa ta kuminsá 2’or di mèrdia i ta dura te 10’or di anochi. Banda di presentashon di artistanan lokal i djnan tin tambe entretenementu riba awa. Ta fèrwagt hopi boto den bahia pa e shownan riba awa.

E show di vürwèrk mes ta kuminsá 9’or di anochi. Na tur lo tin kuater show diferente, di kua tres simultaneamente na diferente sitio rondó di Caracasbaai. E segmentonan di vürwèrk ta dura 25 i 27 minüt segun e organisashon.