KRALENDIJK – Gabinete ke sigui traha den 2027 huntu ku Kolegio Ehekutivo di Boneiru na un aserkamentu di mas aña pa konsekuensianan di e kresementu rápido di poblashon riba e isla. P’esei mester wak entre otro kalidat di bida i disponibilidat di fasilidatnan públiko.
Den e Presupuesto Relashonnan di Reino pa 2027 e gabinete ta papia eksplísitamente di e riesgo di “kresementu eksplosivo di poblashon, manera na Boneiru”. Embehesimentu i otro desaroyonan demográfiko tambe mester inkluí den e aserkamentu.
E medidanan mester diferensiá pa isla. P’esei ta traha na un aserkamentu integral pa Boneiru, Sint Eustatius i Saba, ku ta tene kuenta ku e propio situashon di kada isla. Punto di salida ta e rekomendashonnan di e Komishon Estatal Desaroyonan Demográfiko Karibe Hulandes 2050.
Tambe e gabinete ke afiliá na e konseho di e komishon Vishon 2050 pa Boneiru. A base di esei mester stipulá un vishon mas ámplio i sostenibel pa futuro di e isla, pa despues wak kua ta e siguiente stapnan ku lo ta nesesario.
Medidanan konkreto òf sumanan pa aserkamentu di e kresementu di e poblashon no ta menshoná den e presupuesto aki.
Lesa aki e presupuesto Relashonnan di Reino 2027