KRALENDIJK – Boneiru ta haña kódigonan di kondukta nobo pa representantenan di pueblo i gobernantenan den 2027. Ku esaki Reino ke sigui fortifiká integridat gubernamental na Boneiru, Sint Eustatius i Saba.
Esei tin pará den e presupuesto di Relashonnan di Reino pa 2027. Ministerio di Asuntunan Interior i Relashonnan di Reino ta traha huntu ku e gobièrnunan insular na un aserkamentu mas ámplio. Fin di 2026 ta bai ehekutá un Monitoreo di Integridat i Seguridat nobo. Ta revisá e resultadonan di esei den 2027 i nan mester yuda pa stipulá prioridatnan nobo.
Tambe e gabinete ke protehá denunsiantenan di violashonnan di integridat i reveladónan mihó. Pa gobernantenan polítiko ta bai desaroyá medida- i aktividatnan nobo a base di un eksplorashon ku ta finalisá fin di 2026. Un parti konkreto di esei ta stipulashon di kódigonan di kondukta nobo pa polítiko- i gobernantenan riba e tres islanan.
Lesa aki e presupuesto Relashonnan di Reino 2027