Vakatura Campaigner Climate Justice na Boneiru Greenpeace Hulanda

Campaigner Climate Justice na Boneiru pa Greenpeace Hulanda

Bo ke dediká bo mes ku alma i kurason na un mundu hustu, spesífikamente pa Boneiru i e parti Karibense di Hulanda? Bo ta independiente, kapas pa kapta informashon nobo lihé i bon, anto ora bo tin kòmbersashon ku diferente stakeholder, esei ta duna bo energia? E ora ei esaki ta bo chèns pa kuminsá traha komo Campaigner Climate Justice na Boneiru (enkargá ku Kampaña pa Hustisia di Klima).

Greenpeace na Boneiru

Greenpeace ta un organisashon ambiental independiente ku ta operá mundialmente i ta komprometé na un futuro bèrdè i sigur. Pa medio di akshonnan pasífiko, nos ta eksponé problemanan grandi i ta impulsá e solushonnan nesesario pa un planeta habitabel.

Na 2019, Greenpeace Hulanda a kuminsá ekspandé nos trabou di kampaña pa inkluí Hulanda Karibense. A hasi investigashon riba e impakto di kambio di klima pa Boneiru i kon Greenpeace por yuda den e lucha pa hustisia di klima pa Boneiru. Huntu ku habitantenan di Boneiru, nos a gana un kaso históriko den kua e hues a dikta ku gobièrnu Hulandes mester hasi mas pa protehá su siudadanonan na Boneiru. Lesa aki nos interpretashon di e veredikto.

Aktualmente tin dos organisadó ta traha na Boneiru i un tim di kampaña di hustisia di klima mas grandi na Amsterdam. Pues e Campaigner Climate Justice nobo na Boneiru lo traha den un tim híbrido, ku ta traha parsialmente na Boneiru i parsialmente na Amsterdam. Abo lo traha na Boneiru den e funshon akí.

Kiko lo bo bai hasi?

• Bo ta konstruí i fortalesé nos nètwèrk i mantené kontakto ku vários stakeholder na Boneiru. Un dia lo bo ta papia ku un hende di polítika lokal, un otro dia bo ta asistí na un reunion di un organisashon di komunidat, i riba un otro dia lo bo ta papia ku un periodista tokante hustisia di klima. Bo ta representá Greenpeace den e kòmbersashonnan akí.

• Pa esaki lo bo profundisá den temanan manera siensia di klima i desigualdat sosial, i bo ta tradusí esakinan di un manera kla i persuasivo pa vários stakeholder den e kampaña. Spesialmente adaptashon, esta, kon Boneiru por adaptá na kambio di klima, ta un tema importante ku lo bo traha riba dje.

• Bo ta koordiná e trabou na Boneiru i ta funshoná komo e lenk pa e trabou di kampaña na Hulanda Europeo. Bo ta identifiká oportunidatnan di kampaña ku por ta dirigí riba polítika lokal, internashonal i di Den Haag, stakeholders (nobo i eksistente), prensa i medionan sosial. Bo ta koordiná e trabounan na Boneiru bon ku bo kolega campaigner na Hulanda Europeo i e organisadónan na Boneiru. Huntu ku e tim na Boneiru i na Hulanda Europeo, bo ta determiná kiko ta e elementonan mas importante pa nos kampaña i kon pa apliká esakinan den e trabou di Greenpeace na Boneiru.

Ken bo ta?

• Bo tin un aktitut habrí i bo ta kurioso, ku un pensamentu empresarial. Bo ta gusta nètwèrk i konektá ku diferente hende i tema.

• Bo tin un sentido fuerte di responsabilidat i bo ta bon den traha independiente i proaktivo. Komo ku bo lider di tim i mayoria di bo koleganan direkto ta na Hulanda, bo ta kolaborá efektivamente for di distansia i ta komuniká kla, anto bo ta ábil den manehá bo propio planifikashon i límitenan.

• Bo tin eksperensia ku òf konosementu di trabou relashoná ku temanan manera anti-rasismo, kombatimentu di pobresa, òf derechonan humano, i kon esakinan ta relatá na hustisia di klima. Bo ta kapta informashon lihé tokante temanan manera siensia di klima i desigualdat sosial, i por splika esakinan na un manera komprendibel.

• Bo ta komprondé e dinámikanan ku ta hunga un ròl riba un isla manera Boneiru i bo tin un bon sentido pa ku e sensitividatnan enbolbí den e trabou akí.

• Bo tin preferiblemente por lo ménos 5 aña di eksperensia laboral relevante. Bo tin un poko ménos eksperensia pero sí e konosementu korekto i e drive? Nos lo ke tende di bo!

• Dominio di Hulandes papiá i skirbí ta un rekisito pa e funshon akí. Ademas bo tin eksperensia ku, òf afinidat pa traha den timnan híbrido i internashonal, den kual bo ta haña bo den un otro ambiente kultural, i ku un diferensia di tempu di 5 òf 6 ora ku Hulanda.

• Bo ta biba na Boneiru òf ta dispuesto pa bai biba i traha na Boneiru.

Kiko nos ta ofresé bo?

Lo bo ta ofisialmente den servisio di Flex2Work B.V., nos partner di HR na Boneiru. Nos ta mantené e mesun kondishonnan di empleo kaminda ta posibel (manera e kantidat di dianan di fakansi), pero regulashonnan spesífiko di lei (manera zwangerschaps- en ouderschapsverlof) ta basá riba leinan di Boneiru.

Bo ta haña serka nos:

• Un salario bruto entre USD 5,109 i USD 7,066 (basá riba un siman di trabou full-time di 37.5 ora), dependiendo di bo ekperensia.

• Un kòntrakt di un aña pa 32 ora pa siman, ku perspektiva di un posishon permanente.

• 28 dia di fakansi (basá riba trabou full-time).

• 8.33% vakantiegeld.

• Un kompensashon mensual di gastu (onkostenvergoeding) di USD 150 bruto pa kubri gastunan di biahe i representashon.

• Individueel Keuzebudget pa entre otro extra verlof òf un opleiding.

• Un areglo di penshun ku un werkgeversbijdrage generoso.

• Un maneho fleksibel di dianan di fiesta i liber riba dianan di fiesta ofisial di Boneiru.

• Un laptop i telefòn.

• E oportunidat pa usa bo konosementu profeshonal pa hasi un impakto berdadero.

Prosedura i solisitut

Bo ta entusiasmá? Manda bo CV i un deklarashon kòrtiku di bo motivashon (karta òf video) via e lenk akí.

E vakatura akí lo keda habrí te ora nos haña e kolega nobo adekuá. Nos ta evaluá solisitutnan riba un base kontinuo i ta invitá kandidatonan adekuá pa un reunion inisial pa sera konosí. E proseso di selekshon ta konsistí di dos ronda di entrevista i un kòntròl di referensia.

Bo por mira bo mes kaba den e ròl akí, pero bo ta duda si bo tin e profil eksakto ku nos ta pidi? No laga esei stroba bo, i solisitá trankil! Gustosamente nos lo ke papia ku bo pa wak kiko ta e posibilidatnan.

Pregunta?

Bo tin kualke pregunta tokante e funshon? Tuma kontakto ku Rebecca van Scheijndel via rebecca.van.scheijndel@greenpeace.org òf +316 - 48594194 (WhatsApp/Signal).

Diversidat i aksesibilidat

Greenpeace ta boga pa un organisashon diverso i inklusivo. Tur hende ta bon biní – sin importá orígen, sekso, edat, orientashon seksual òf limitashon.