KRALENDIJK – Di e 16 mion euro ku a anunsiá anteriormente ku Hulanda lo pone disponibel entre 2025 i 2028 pa rehabilitashon di kareteranan na Boneiru, a plania un montante di 5,8 mion euro pa 2027. Esei ta sali na kla for di e presupuesto di Reino nobo.
E sèn mes no ta algu nobo. Na 2024 Den Haag a anunsiá kaba ku pa e periodo 2025 te ku 2028 na tur 16 mion euro ta bin disponibel pa kareteranan na Boneiru. Reino a mustra e tempu ei, meskos ku ta e kaso awor, riba e kresementu rápido di poblashon di e isla i e nesesidat pa hasi e kareteranan adekuá pa e tráfiko di persona i transporte ku ta oumentando.
Loke ta nobo den e presupuesto pa 2027 ta ku ta bira konosí kua montante ta disponibel pa e aña ei. E gabinete ta saka 5,8 mion euro.
Rehabilitashon di e kareteranan ta tópiko di diskushon pa basta tempu kaba na Boneiru. Apesar di diferente fluho di sèn i proyektonan, un parti konsiderabel di e kareteranan ta keda den mal estado. Reino a rekonosé anteriormente sinembargo ku e medionan disponibel ta insufisiente pa solushoná e mantenshon atrasá strukturalmente.
Lesa aki e presupuesto Relashonnan di Reino 2027