KRALENDIJK – Kolegio Ehekutivo ta studiando aktualmente kua ta e bùsnan ku ta adekuá pa transporte públiko den futuro na Boneiru. Na mes momento ta wak kua bùs ta usa na Den Haag i na Aruba. A bestèl nada ainda.
Ta bai diskutí e situashon aktual rondó di transporte públiko djaweps durante un reunion di komishon fiho di Desaroyo Urbano di Konseho Insular. Dikon ta studiando netamente e sistemanan na Den Haag i Aruba i kua posibilidatnan ta konsiderando, no ta konosí ainda.
Sekretario di Estado di Relashonnan di Reino i Gobièrnu Desisivo Eric van der Burg a bisa anteriormente ku el a komprondé di gobièrnu lokal ku e promé bus mester kuminsá kore komienso di 2027. El a indiká tambe ku tin kontakto ku HTM, e kompania di transporte públiko den region di Den Haag.
Na luna di òktober Van der Burg ta bolbe hasi un bishita na Boneiru. Anteriormente el a duna di konosé ku e ke mira spit tras di introdukshon di transporte públiko. E pregunta grandi ta si e gobièrnu insular por presentá un plan di ehekushon konkreto kaba durante su bishita. Te ku awor no a hasi un eskoho definitivo pa e busnan.