ORANJESTAD - Aruba ta bai pa un modelo di turismo nobo. E isla ke stabilisá e kantidat di bishitante i hasi mas esfuerso pa kalidat enbes di kantidat. Esaki Aruba Tourism Authority (A.T.A.) a anunsiá durante Siman di Klima na New York.
Climate Week NYC a tuma lugá di 21 te 28 di sèptèmber. Mas ku 100 empresa, gobièrnu i organisashon a organisá mas ku 1000 evento tokante klima i durabilidat.
Direktor general Ronella Croes i Direktor di Merkadeo Sanju Luidens di A.T.A. a representá Aruba, huntu ku direktor di komunikashon Marisol Sanchez i Tyson Lopez di Aruba Conservation Foundation. Croes a presentá e strategia nobo durente diferente enkuentro. Luidens a papia di merkadeo duradero.
Investigashon mundial
A.T.A. a publiká riba 23 di sèptèmber un investigashon bou di 7000 pasahero mundialmente. 96 porshento ta haña turismo responsabel importante. Tres kuart ta rekonosé ku kambio di klima ta menasá e islanan. 73 porshento ke un impakto positivo, pero solamente 23 porshento sa kon.
E rapòrt a haña atenshon internashonal i a alkansá mas ku 98 mion persona via revistanan spesialisá.
"Turismo responsabel no ta un buraku riba merkado mas, sino un stándart nobo,” A.T.A. ta bisa. E organisashon ta hasi un yamada riba tur empresa pa ahustá nan sistema di traha. A.T.A. tin inisiativanan kaba ku ta yuda bishitantenan hasi mihó eskoho.