KRALENDIJK – Den su diskurso riba Dia di Boneiru, gezaghèber John Soliano a enfatisá ku e isla “ta riku na oportunidat”, pero ku ta dependé di nos mes pa hasi uso di nan. Segun Soliano, esaki ta rekertí un kompromiso personal i tambe invershon konhunto den famia, bario i gobièrnu.
Un parti prinsipal di su mensahe tabata tokante nos hóbennan. Soliano a señalá ku un gran parti di hubentut ta kontribuí positivamente i ta brilla den deporte, kultura, enseñansa i hasimentu di negoshi. Segun gezaghèber, nan meresé espasio i konfiansa pa nan yuda e desarayo mas aleu di Boneiru.
“Nos futuro ta riku na oportunidat, pero tur dia di nobo nos mester skohe pa invertí den dje – ku konfiansa, respet i atenshon pa otro,” segun Soliano. E a finalisá ku palabra: “Nos ta Boneiru, i nos futuro ta briante.”