Kralendijk – Fundashon Kurason pa Boneiru ta parti AEDnan grátis na sitionan kaminda hopi hende ta frekuentá. E fundashon ta eksistí djessinku aña i ke hasi Boneiru un isla ku ta seif pa loke ta trata kurason.
E playa di kitesurf Kiters Paradise entre Pink Beach i Willemstoren ta e promé sitio ku ta haña un AED. Kurason pa Boneiru a yega di regalá AEDnan na Krusada, Terra Barra, e asosiashon di zeil di Kas di Regata i e klup di landamentu na Kaya Engelhardt.
Akshon despues di pèrdida personal
Sandy van Eisden a kuminsá ku e akshon despues ku el a pèrdè su kasá pa motibu di un atake di kurason. “Apesar di un masashi di kurason, pero posiblemente pasobra no tabatin un AED den serkania, a resultá ku no por a skap’é mas,” segun e direktiva di Kurason pa Boneiru. Van Eisden a haña donashon di algun AED i a pidi e fundashon pa yuda ku repartishon.
Kondishon pa donashon di AED
Sitionan ku ke bini na remarke pa un AED grátis mester kumpli ku algun eksigensia: Regularmente hopi persona mester frekuentá e sitio, e AED mester ta aksesibel fásilmente i preferibelmente mester tin kòntrol presente pa evitá vandalismo.
Yamada pa registrashon
E direktiva ta hasi un yamada na personanan pa registrá via e página di Facebook di Kurason pa Boneiru. E kantidat di donashon di AED ta limitá. E fundashon ta evaluá si sitionan ta kumpli ku e eksigensianan.
Kursonan di BLS (Basic Life Support = Sosten Vital Básiko) disponibel
Kurason pa Boneiru ta hasi un yamada riba habitantenan pa sigui kursonan di BLS. Hopi empresa i instituto tin mientrastantu empleadonan ku ta entrená komo dunadó di yudansa na siudadano. Personanan por tuma kontakto pa kursonan ku entrenadó Tom Lensink via number di telefon 7000559.