KRALENDIJK – Riba media sosial a surgi konmoshon di nobo tokante aksesibilidat di playanan na Boneiru. Habitantenan ta ekspresá nan frustrashon riba situashonnan kaminda segun nan aparentemente ta sera playanan òf ku nan ta aksesibel solamente via hotèl i risòrtnan. Den diferente diskushon online ta papia di hèki, pasashinan ku a sera i ku mester usa fasilidatnan di operadónan komersial pa yega laman.
E diskushon no ta nobo. Na yüli 2024 a sali na Bonaire.nu kaba un entrevista ku e persona krítiko Felipe Melaan, kaminda e ta bisa ku Boneiru ta riska di pèrdè su identidat pa motibu di influensia di afó entre otro okupando playanan públiko. Den e mésun aña ei diputado Clark Abraham a reakshoná riba preguntanan di konstrukshon di playanan artifisial. El a enfatisá e tempu ei ku aksesibilidat liber ta un kondishon fuerte.
“Si bo ke un playa artifisial, tin algun kriteria ku bo mester kumpli kuné. Un di e kriterianan ta ku e playa mester ta aksesibel pa tur hende na kada momento. Naturalmente nan tin mag di kobra algu si hasi uso di un fasilidat manera e pisina, un sèrbètè òf un ducha, pero no pa entrada i uso di e playa. Nos ta bai mantené riba esei,” segun Abraham a bisa Boneire.nu e tempu ei.
Promesa sin kontinuashon
E promesa di Abraham a keda te ku awa na palabra so. Ainda tin diferente risòrt ku ta eksigí pidanan di playa. Na òktober 2025 mester a tuma lugá un kòmbersashon entre diputado Abraham, e departamentu di Supervishon & Mantenshon i prensa. A kanselá e konsulta ei na último momento.