DEN HAAG – Korte na Den Haag ta duna sentensia awe mainta 9’or den Kaso di Klima Boneiru. Ocho habitante di Boneiru i Greenpeace Hulanda a hiba Estado Hulandes dilanti pa motibu ku no ta kumpli ku medidanan di protekshon kontra konsekuensianan di kambio di klima na e isla.
E demandantenan ta indiká ku gobièrnu ta faya ku su deber di kuido. Segun Boneiru nan ta enfrentando kaba kalor ekstremo, mientras ku falta medidanan di adaptashon konkreto.
Korte ta husga si Boneiru ta protehá su propio siudadanonan i si por obligá Estado pa un plan ku por ehekutá pa protehá Boneiru, banda di un aselerashon den direkshon di sero emishon di dióksido di karbon.
Primisia Europeo
Segun Greenpeace ta un primisia Europeo: pa promé biaha un wes por husga ku un pais ta obligá di desaroyá maneho di adaptashon ku realmente ta protehá personanan kontra kambio di klima.
E kaso ta sirbi alabes komo un kaso di prueba despues di verediktonan resien internashonal, entre nan esun di Korte Europeo pa Derechonan Humano i un konseho di Korte di Hustisia Internashonal.