LA PALME – E praktikante Boneriano di windsurf Amado Vrieswijk a gana e Kampionato Mundial di speed open riba foil na Fransia. E deportista a optené un velosidat tòp impreshonante di 36,76 nudo riba 500 meter, loke ta ekivalente na 68,1 kilometer pa ora.
Ku e prestashon ei e Boneriano a laga e konkurensia internashonal su tras i a sigurá su mes di e título mundial den speedfoil, un disiplina kaminda velosidat i kontrol riba velosidat haltu ta pará sentral.
Riba medianan sosial e kampion mundial resien a reakshoná orguyoso riba su viktoria. “Ta difísil pa deskribí kiko e sentimentu aki ta nifiká despues di tantu ora di entrenamentu, tèst i traha intensivo huntu ku e markanan pa hasi esaki posibel. Ku tur e trabou duru ta bini huntu awor, ta hasi e título aki èkstra spesial,” segun e praktikante di windsurf.