KRALENDIJK - Den preparashon pa Dia di Rincon, Kuerpo Polisial Hulanda Karibense (KPCN) ta tumando medidanan pa sigurá ku e fiesta ta transkurí na un manera seif, ordená i festivo. Dia di Rincon ta un evento kultural importante pa Boneiru, kaminda union i tradishon ta sentral.
Durante e dia aki, polis lo t’ei presente na un manera visibel i aserkabel den Rincon. E meta ta pa laga habitantenan i bishitante disfrutá di e festividatnan na un manera seif.
Pa garantisá órden públiko i seguridat, lo implementá diferente medida. Pues a duna pèrmit pa vigilansia di kámara temporal i, si ta nesesario, lo hasi listramentu preventivo. E medidanan aki ta dirigí riba prevenshon di insidente i pa garantisá un ambiente seif pa un i tur.
Polis ta bisa di lo mantené un liña kla durante Dia di Rincon: lo atendé mesora ku esun ku pone seguridat di otro na peliger.Detenshon lo kai mesora den kaso di violensia, agreshon kontra outoridat, molèster serio òf poseshon di droga òf arma.
Tráfiko
Polis ta hasi un yamada tambe riba tur hende den tráfiko tambe pa tuma nan responsabilidat. “Manehá trankil, no stür bou di influensia i tene kuenta ku otro usuario di tráfiko, spesialmente riba Kaminda di Rincon. Stashoná konsiente i perkurá pa kaminda i entradanan keda liber”, asina bosero di KPCN ta supliká.