KRALENDIJK – Pa protehá e krefnan durante nan temporada di reprodusí, ta prohibí pa lei pa kohe kref den nos parke marino for di promé di mèi te ku fin di òktober.
Kref ta reprodusí den zomer ora laman ta mas kayente. Un kref femenino por produsí shen mil webu, dos biaha, durante nan temporada di reprodusí. Ku e seramentu di temporada di kref, nos ta duna nan un chèns pa reprodusí trankil i asina yuda mantené i garantisá un poblashon saludabel pa futuro. Pa e motibu akí krefnan ta kategorisá komo espesie protehá durante e temporada akí.
Nos ta pidi komunidat sinseramente pa sostené i respetá e lei akí dor di no kohe kref den e awanan ku ta rondoná Boneiru, Klein Bonaire i Lac. Tambe nos ta pidi pa no kumpra, sirbi, bende òf kome kref durante e temporada akí.
E regulashon ta basá riba: Artikel 11 van het Eilandsbesluit onderwaterpark Bonaire. Kual bo por haña aki: https://lokaleregelgeving.overheid.nl/CVDR696068/1