KRALENDIJK - For di 13 te ku 21 di yüni 2026 lo tin e di kuater edishon di Pride Bonaire 2026. E aña aki Pride ta den e tema “Uni”.
Durante e siman lo tin diferente aktividatnan na Boneiru, manera seshonnan informativo, aktividatnan deportivo, i festivo. Ku e programa aki, Pride Bonaire ke krea espasio pa enkuentro, konekshon, bista i inklushon pa tur hende den nos komunidat.
E team di Pride Bonaire a skohe konsientemente pa e tema “Uní”, pasobra nan ta kere ku e ta representá loke nos ta mester awor: mas union, respeto i solidario ku otro. Den un sosiedat kaminda tur hende mester por ta nan mes, nos ke pone enfoke riba un ambiente kaminda tur hende ta sinti nan mes balorá i respetá.
E apertura ofisial di Pride Bonaire lo tuma lugá riba djasabra 13 di yüni pa 5’or di atardi na Cuba Compagnie. Tur hende ta bon biní pa selebrá huntu e inisio di Pride Week.
Mas informashon i e programa kompleto lo wordu kompartí den e siguiente siman