KRALENDIJK – E aña aki un biaha mas Sentro Akseso ta partisipá na BONDOET, pero e aña aki ku un toke diferente. Perdida ta un parti inevitabel di bida i por manifestá su mes den hopi forma. Por pensa riba: fayesementu di un ser kerí, un animal di kas, pèrdida di trabou of un relashon i hopi mas.
Hopi biaha, e proseso aki ta pone hende den un “kaminda skur”, kaminda e emoshonan por ta difisil pa komprondé i kompartí. Ku e inisiativa aki, Sentro Akseso kier pone enfoke no solamente riba e doló di perdida, sino riba e proseso di sigui dilanti i haña manera pa dil ku e emoshonan.
Durante e atardi, partisipantenan lo tin oportunidat pa eksperensiá un programa kalmo i inspirativo ku entre otro:
- Poesia
- Rekuerdonan bunita
- Momentunan di konekshon i kompartí eksperensia
E atardi aki ta krea un espasio seif i kaminda tur hende por sinti nan mes skuchá, konektá ku otro i risibi un tiki lus den momentunan di skuridat.
E aktividat ta un kolaborashon spesial entre Sentro Akseso, sr. Wilco Harbers i sra.Mimi Dongen. Esaki ta un invitashon personal na un i tur ku ta interesá den e topikonan aki, pa bishitá e atardi aki i forma parti di un momentu ameno.
Fecha: djabierne15 mei 2026
Orario: 6or pa 8or atardi
Luga: Sentro di Bario AmboinaPa mas informashon, sigui nos kanalnan ofisial di Sentro Akseso.