KRALENDIJK – Partido di oposishon M21 ta pidi gezaghebber John Soliano pa tuma e inisiativa pa nombra un mediadó independiente pa kibra e impase polítiko na Boneiru. Esei tin skibí den un karta ku líder di frakshon Désirée Coffie a manda pa gezaghèber John Soliano den un karta fechá dia 31 di yüli.
Segun Coffie, e konfiansa di e pueblo den tantu e Konseho Insular, komo kolegio ehekutiva a keda seriamente afketá pa e krísis administrativo konsekutivo di e último ayanan. E ta atvertí ku e situashon por resultá den un intervenshon atministratrivo bou di e WolBES Den su karta e ta bisa ku e senario aki mester ser evitá.
M21 pa e motibu ei ta proponé pa nombra un mediadó òf komishon di mediashon independiente, politikamente no-komprometí, ku por guía e konbersashonnan entre e partidoan envolví. Coffie ta pidi además un reunión personal ku e gezaghebber pa elaborá mas riba su propuesta.
E yamada ta sigui despues ku partido di koalishon UPB a laga sa di no ke sigui traha mas ku partner di koalishon MPB. Segun UPB, e base di konfiansa a desapresé i MPB no a komportá su mes komo un partner di koalishon konfiabel. Asina Boneiru a kai den un krísis atministrativo di nobo, solamente algun dia despues ku ku e nombramentu un diputado nobo paresía ku e impase anterior a terminá.
Múltiple konflito interno
E koalishon aktual di UPB, MPB i Frakshon Serberie a wòrdu formá aproksimadament kuater luna pasá, pero dor di e momentu ei a konosé diferente konflikto interno, inkluyendo salida di un diputado, negoshashonnan prolongó riba su susesor i finalmente otro kiebro den e kolaborashon.