KRALENDIJK- Segun un ánalis polítiko di Willem (Wimpy) Cecilia, e krísis gubernamental kontinuo na Boneiru no ta solamente e resultado di desakuerdo polítiko, sino prinsipalmente di un konfushon fundamental di ròl entre e funshon di goberná e isla, esun di kontrolá gobernawshoni esun di hiba polítika.
Den un análisis detayá, Cecilia ta bisa ku e konferensia di prensa resien di e UPB no ta korespondé sufisientementu ku e manera ku kosnan a kana realmente, i ta presentá un imágen den kua proseduranan normal di gobernashon ta wòrdu kalifiká, sin motibu, komo ‘opstrukshonnan burokrátiko’. Segun Willem, ta trata hústamente di prosesonan esensial pa garantisá un bon gobernashon.
E anális ta ilustrá varios ehèmpel kaminda UPB, segun Willem, ta aktua di forma inkonsistente, entre otro tokante di uso di kòkntrakt pa trabounan spesífiko (OVO), nombramentu di hende i proposishon pa hisa salario. Tambe e kritiká resistensia di e partido kontra di e institushon di e komishon CROGH ku e ta kalifiká komo inkorekto, pasobra segun e analista e komishon akí nada otro ku kontinuashon di un grupo di trabou ku ya tabata eksistí kaba.
Banda di esaki, Cecilia ta argumentá ku UPB, na momentu di saka e stèker for di koalishon, no a presentá ningun alternativa real pa garantisá kontinuidat di gobernashon. Na mes momento e partido, segun Willem a sigui bisa, no ta rekonosé sufisientementu ku e rupturaanan susesivo di koalishon i e kambiament konstante di diputado ta kontribuí hústamente na e retraso di dosyenan manera konstrukshon di kas, infrastruktura i desaroyo territorial.
Segun Cecilia, e atenshon ta menasá di kambiá mas i mas for di solushonnan supstansial pa diskushonnan tokante di funshonnan, nombramentu di hende i posishonnan polítiko. E ta bisa ku asina e separashon entre gobernashon i kòntròl riba esaki ta bira vago, loke ta pone e funshonamentu di e modelo dualístiko bou di preshon.
E kontribushon kompleto di Cecilia ta disponibel akí pa lesa integralmente.