BOGOTÁ – Ta parse ku e kandidato derechista Abelardo de la Espriella a gana e elekshonnan presidensial na Colombia. Ku kasi tur voto kontá e ta pará na 49,7 porshento di e votonan, kontra 48,7 porshento pa su kontrinkante iskierdista Iván Cepeda.
De la Espriella, ku a haña sosten di e presidente Merikano Donald Trump, ta representá un rumbo opviamente otro ku e presidente saliente Gustavo Petro. Kaminda Petro tabata komprometé su mes pa negosashonnan di pas i reforma sosial, De la Espriella ta priminti un aserkamento duru di kriminalidat, reglanan di migrashon mas severo i un gobièrnu mas chikitu.
E resultado no ta definitivo ainda. E aprobashon ofisial di e resultadonan di elekshon por dura algun dia ainda. Cepeda a anunsiá mientrastantu ku e ke laga kontrolá i posiblemente lo refutá konteo di e desenas di miles di urna.
De la Espriella di 47 aña ta un nobato den polítika. Promé ku su kandidatura e tabata aktivo komo abogado i empresario. Na Colombia e ta konosí bou di e nòmber di kariño El Tigre. Fuera di nashonalidat colombiano i tin tambe nashonalidat merikano.