WILLEMSTAD – Ayera mainta 6’or a lòs Brùg Emma i a hib’é tayer di Curaçao Ports Authority (CPA). Einan ta kuminsá un renobashon profundo di e konekshon di mas ku 130 aña entre Punda i Otrobanda. E konosido kabina di operashon ta haña un ponton di motor eléktriko nobo, ta kambia tur kabel i tambe ta renobá iluminashon, kordinashon i seguridat. Segun plan e brùg ta keda dos luna for di servisio.
Hibamentu di e brùg ta komienso di un prosedimentu tékniko grandi na e Brùg di ponton den binti aña. Ora e bolbe e ‘Swinging Old Lady’ mester por habri i sera kasi sin zonido i sin emishon direkto.
Ta keda mantené e aparensia karakterístiko. E renobashon ta tuma lugá spesialmente bou di e brùg: den e proplushon, e instalashon eléktriko, e kabelnan i e sistema di operashon.
Segun manager di Relashon Públiko Sau Bridgewater-Chong di Curaçao Ports Authority ta saka e brùg djadumingu promé for di Bahia Santa Ana pa despues lastr’é hiba e tayer. Einan ta hasi preparashon na e brùg pa yegada di e propulshon eléktriko nobo.
E trabounan ta dura segun plan mas o ménos dos luna. CPA a anunsia anteriormente ku e brùg lo ta for di servishio di djadumingu 2 di ougùstùs te ku djabièrnè 25 di sèptèmber. E planifikashon ta pa por tin e konekshon disponibel atrobe pa fin di sèptèmber, mas tardá den kareda di 1 di òktober.
Lesa e informashon kompleto riba Curacao.nu