KRALENDIJK – Rekonstrukshon di Kaya Soeur Bartola, e kaya banda di hospital ku ta será aktualmente, ta parse di ta mas mas grandi ku a pensa na prinsipio. Banda di renobashon di e kaya ta drecha tambe e lugánan di parker, asera, iluminashon di kaya i tuberia di awa.
Segun Martijn Zwiers di BWM Bonaire e supsuela malu i awaseru a trese trabounan èkstra kuné, di moda ku e proyekto ta tuma mas tempu.
"Nos ta bai kambia tantu e kaya i lugánan di parker i tambe e asera. Pa motibu di e supsuela malu i awaseru a dura un tiki mas largu, mester a koba saka mas fundeshi. Nos a pone mesora tambe tubu di awa di WEB i ta bai kambia e palunan di lus. Definitavamente un rekonstrukshon drástiko,” segun Zwiers.
Kaya Soeur Bartola un konekshon importante banda di hospital, ta keda será pa tráfiko durante e trabounan.