Kaya Korona kuater siman parsialmente será pa trabounan di rekonstrukshon

KRALENDIJK — Entidat Públiko Boneiru (OLB) ta kuminsá djaluna 13 di yüli ku trabounan di rekonstrukshon na Kaya Korona. Ta sera partinan di e kaminda temporalmente pa tráfiko. E trabounan ta planiá di tuma lugá durante kuater siman i ta ehekutá nan den dos fase.

Den e promé fase, di djaluna 13 di yüli te ku djamars 28 di yüli, Kaya Korona ta será entre Kaya Neerlandia i Kaya Antonia. Seguidamente ta kuminsá ku fase dos: di djamars 28 di yüli te ku 7 di ougùstùs ta sera e trayekto entre Kaya Antonia i Kaya Nikita.

Segun OLB e kaminda ta keda aksesibel pa tráfiko lokal durante e trabounan. Kas-, empresa- i e establesimentunan di Kooyman i KFC ta keda aksesibel. Kaminda ta nesesario ta redirigí e tráfiko ku bòrchi- i guiadónan di tráfiko.

E espektativa ta pa habri e kaminda kompletamente atrobe djaluna 10 di ougùstùs pa 7’or di mainta. Ta pidi usuarionan di kaminda pa sigui e rutanan di desviashon i tene kuenta ku rutanan di kana temporal pa hendenan na pia.