WILLEMSTAD – Entrante djamars 28 di yüli gasolin ta baha ku kasi djesdos sèn pa liter na Kòrsou. E preis ta baha di 2,66 pa 2,54 florin pa liter. Disel tambe ta bira mas barata, pero e bahada ta keda limitá na 2,6 sèn.
Pa disel lo tin entrante djamars un preis di algu mas ku 2,13 florin pa liter. Aktualmente e ta 2,16 florin. Un tanki di gasoline di sinkuenta liter ta kosta e ora ei seis florin mas barata. Pa sinkuenta liter di disel e bentaha ta alrededor di 1,30 florin.
Segun gobièrnu e bahadanan den preis ta konsekuensia di preisnan di kompra mas abou riba merkado internashonal. E bahada di preis di disel ta parsialmente frená pa motibu di un deskuento pa défisitnan anterior. Pa e motibu ei no ta duna e outomobilista e bahada kompleto di preis di kompra internashonal.
Preis di gas pa kushiná ta keda meskos. Un silender di shen liber kosta ochenta florin i un silender di binti liber djesseis florin.