Vakatura Ofisial Di Komunikashon

STINAPA Boneiru ta buska un Ofisial di Komunikashon (m/v) pa 36 ora pa siman. Bo ta desaroyá plannan di komunikashon, krea kontenido, manehá wèpsait i medianan sosial, i organisá kampaña i evento. Asina bo ta kontribuí na protekshon di naturalesa di Boneiru.

Bo mester tin un estudio relevante na nivel di HBO, mínimo sinku aña di eksperensia i ekselente abilidat di komunikashon na hulandes, ingles i papiamentu.

Salario bruto ta $3.699–$4.852 pa luna, ku entre otro un di 13 luna i 8,33% sèn di fakansi.

Manda bo karta di presentashon i CV no mas tardá ku 26 òktober na vacature@stinapa.org.