KRALENDIJK – Kooperativa Piskabon ta anunsiá ku e torneo di peska programá pa 3 di òktober 2026, ta wòrdu posponé te próksimo aviso pa motibu di sirkunstansianan imprevisto.
Desafortunadamente, e kooperativa mester tuma e desishon aki pasobra e spònser prinsipal no a otorgá e petishon di supsidio pa e proyekto ainda. E petishon a keda entregá for di febrüari di e aña aki.
Piskabon a keda ku speransa te na e último momentu ku lo haña un solushon na tempu. Sinembargo, awor ku e kompromiso finansiero nesesario no a logra konkretisá, e kooperativa ta haña su mes obligá pa para e preparashonnan awe i posponé e evento.
Piskabon ta lamenta e situashon i ta kompronde ku e posponemento ta desepshonante pa partisipantenan, boluntarionan, partnernan, i interesadonan. Asina ku tin mas klaridat i por fiha un fecha nobo, Piskabon lo anunsiá esaki a traves di su kanalnan ofisial.