KRALENDIJK – Reino ta haña reglanan di aviashon nobo pa Hulanda Karibense. E lei, ku a stipulá riba 22 di aprel, ta adaptá e Lei di Aviashon BES di manera ku Boneiru, Sint Eustatius i Saba ta kumpli ku normanan internashonal di siguridat di e organisashon di aviashon internashonal ICAO
E kambionan ta trata entre otro control di tráfiko aéreo, nabegashon, komunikashon i supervishon riba servisionan di nabegashon aéreo. Tambe ta bini un obligashon di sertifikashon pa organisashonnan ku ta presta tal servisio den espasio aéreo riba islanan BES.
Banda di esei e lei ta hasi posibel pa kobra kompensashon pa servisionan aéreo ku kompanianan di aviashon i otro usuario di espasio aéreo ta usa.
E minister di Infrastruktura i Obranan Públiko ta haña segun e lei outoridatnan èkstra pa tene supervishon i intervení ora tin problemanan di seguridat den espasio aéreo di Karibe Hulandes.
E reglanan nobo ta drenta mas despues ofisialmente na vigor. Pa e obligashon di sertifikashon un periodo transitorio di dos aña ta vigente.