SCHIPHOL – Amsterdam Airport Schiphol lo bai tuma e servisio na pasahero ku mobilidat limitá den nan propio man, na komienso di aña 2028. Ku esaki, e aeropuerto ke haña mas kòntròl riba e kontinuidat, kalidat i desaroyo mas amplio di e servisio kresiente aki.
E asistensia aktualmente ta wòrdu brindá pa Axxicom Airport Caddy, parti di Facilicom Groep. E kompania ta brinda asistensia na alrededor di 750.000 biahehero anual, i tin kasi 1.000 empleado pa esaki.
Te ku e transishon na 2028, Axxicom Airport Caddy lo sigui responsabel pa e servisio. Schiphol i Facilicom Groep lo traha huntu e periodo kia riba un traspaso responsabel. Den esaki a akordá ku tur empleado aktual lo keda ku nan trabou.
Sindikato
E sindikatonan ku ta representando e grupo di empleado konserní, tambe lo ta involví den e traspaso di e servisio pa Schiphol.