WILLEMSTAD- Djaluna, dia 27 di yüli aerolínea lokal Z Air lo ta habriendo un ofisina nobo na Kòrsou. E ofisina nobo ta situá den e anterior ofisina di RBC banda di Mangusá Rio Canario.
E ofisina lo bai siriba tambe ku ofisina di benta prinsipal pa kliente ku ke kompra pasashi. Ku esaki tambe e ofisina di benta na Rooseveltweg lo sera. Es ofisina di benta na aeropuerto Hato simembargo si ta keda habrí pa sirbia pasahero.
Ku e ofisina nobo na Kòrsou Z Air lo a muda dos dis su ofisinanan prinsipal pa espasionan nobo i mas grande, despues ku e ofisina nobo di Z Air na Boneiru a habri algun luna patras den Kaya Grandi, dilanti di Freewieler.
E kompania di aviashon ta trahando riba algun plan interesante ku lo nifiká un paso bastante grandi pa e aerolínea, pero gerensia ta bisa ku ainda no por divulgá mucho detaye di e plan aki, ku no solamente lo enserá un ampliashon di destino pero probablemente tambe uso di avionnan mas grandi pa bual destinashonnan mas leu. E plannan aki lo ta den desaroyo ku un partner stratégiko den aviashon.