WILLEMSTAD – Divi Divi Air ta selebrá 25 aña di operashonnan di buelo ku un dia habrí grátis djasabra 22 di ougùstùs riba tereno di aeropuerto di Kòrsou. E kompania di aviashon, ku ta bula diariamente entre Boneiru, Kòrsou i Aruba, ta laga bishitantenan tira un bista tras di kortina di e sektor di aviashon ku bishita di orientashon, demonstashon i presentashon di diferente empresa i organisashon.
Pa mucha di 6 te ku 16 aña ku nunka no a bula ainda, tin un konkurso kaminda por gana un buelo panorámiko riba Kòrsou. E dia habrí ta dura di 13.00 te 22.00 ‘or i ta ser’é ku aktuashonnan bibu. Entrada ta grátis, pero mester registrá adelantá si. Bishitantenan ta parker na Curaçao Airport Dome, kaminda shuttlenan ta kore bai e tereno di evento.