KRALENDIJK – Boneiru ta poniendo un paso mas den direkshon di ménos dependensia di importashon di kuminda. Departamentu di Agrikultura, Krio di Bestia i Pesca (LVV) ta kuminsando ku un prueba di kultiva di bakoba na e isla.
Aktualmente e servisio ta poniendó e último man na e plantamentu di entre 100 pa 150 mata di bakoba chikitu di e variedat Dwarf Cavendish, un variedat popular di bakoba. Segun director di LVV Maurice Adriaens, e sorto ku ta bai planta na Boneiru ta relativamente resistente na bientu, un karakterístika importante tomando e kondishon di klima na Boneiru na konsiderashon.
E matanan a wòrdu importá spesialmente for di Hulanda pa asina asegurá ku nan ta kompletamente liber di malesa. Esei ta importante, pasobra bakoba Cavendish na henter mundu ta vulnerabel pa diferente enfermedad di hongo, inkluyendo e famoso malesa di Panama, ku ta amenasá seriamente e kultivo komersial di e tipo di bakoba aki.
Prueba
Ta trata di e mesun tipo di bakoba ku konsumidónan awor aki ta hañanando den supermarketnan rònt Boneiru. Ounke ku te asina leu kasi tur bakoba Boneiru na ta wòrdu importá, e klima di e isla realmente ta hasi kultivo di bakoba posibel. Den e lunanan benidero mester sali na kla si e proyekto ta resultá eksitoso i ku esel viabel, sí òf no.