KRALENDIJK – E kwintet Hulandes d Calefax lo duna un konsierto speshal diabièrnè, 3 di yüli na Coromotokerk na Boneiru, huntu ku kantante Juliana Martina i presentador i otor Milouska Meulens. Bou di e títulо Atardi den Diaspora, e artistanan ta trese un kombinashon di musika i storianan, presentá na Hulandes i Papiamentu.
Calefax ta konsistí di sinku instrumentunan hobo, klarinèt, bas klarinèt, saksofòn i fagòt. E kombinashon úniko di e instrumentunan akí ta produkt un sonido distintivo ku kua e ensemble ta hungá un repertorio amplio, variando for di musika klásiko di Bach i Debussy te na obra di Duke Ellington i Nina Simone.
Durante e konsierto, e presentashonnan musikal lo wòrdu alterná ku storianan ku ta fásil pa sigui pa públiko tantu abla-hulandes- komo abla-papiamentu. Studiantenan di Casa d’Musica tambe lo kontribuí na e programa e anochi ei.
E konsierto ta kuminsá na 7:30 PM na Coromotokerk na Kaya Korona.
Ademas di e konsierto di anochi, Calefax lo duna tambe varios presentashon mas chikí na Boneiro. Uno di esakinan ta tuma lugá diasabra na 11:00 AM na Kas di Kuido.
Karchi
Karchi pa e konsierto ta kosta $20 i ta disponibel na Delmar Bookstore i Lisa Convenience Store. Un tarifa redusí di $10 ta apliká pa mucha. Si ainda disponibel, karchi por tambe wòrdu kumprá na porta tambe.