HOUSTON – Kòrsou a pèrdè su promé wega den historia di un torneo di Kampeonato Mundial ku 7-1 kontra Alemania. Dilanti di un públiko di 68.021 persona den e Stadion NRG e ekipo di e entrenadó di e ekipo nashonal Dick Advokaat a biba un atardi históriko, apesar di e derota grandi.
Alemania a kuminsá fuerte i via Lukas Nmecha tabatin un bentaha. Seguidamente Kòrsou tabatin un momento históriko ora ku Comenencia a tira e promé gol den historia pa Kòrsou i a hiba e skor na 1-1.
Kòrsou no por a gosa hopi di e gol di empate. Nico Schlotterbeck a hiba Alemania di nobo riba un bentaha ku un kòp, pa despues Kai Havertz a pèrkurá pa 3-1 ku un pinalti. Despues di haftaim Alemania a sigui krese ku golnan di entre otro Jamal Musiala, Brown, Deniz Undav i di nobo Havertz.
Luigino A.B. Da Silva De Jesus
Kòrsou a keda bataya i a haña algun chèns, pero no por a rekuperá e retraso. Finalmente Alemania a terminá ku e skor final di 7-1.
Apesar di e derota Kòrsou lo wak bèk spesialmente riba un dia históriko: e debut di Kampeonato Mundial di e isla i e promé gol di Kòrsou den historia di un kampeonato mundial. Riba 20 di yüni tin e di dos wega di grupo kontra Ecuador.
Luigino A.B. Da Silva De Jesus