RINCON – Federashon di Beisbòl i Sòftbòl Boneriano (FBSB) ta organisá riba 18 i 19 di yüli 2026 un biaha mas e Edishon di Klínika di Sòftbol Rincon. Mucha muhé di 9 te ku 16 aña ta bonbiní pa partisipá grátis na e fastpitchclinic, ku ta tuma lugá na Rincon Ballpark i Johan Cruyff Field.
Riba djasabra 18 di yüli e dia ta kuminsá ku un entrenamentu spesial di picheo pa coachnan di 9’or te 11’or na Sentro di Bario Nikiboko. E klínika di sòftbòl pa partisipantenan ta tuma luga e mèrdia ei di 2’or pa 4’or na Rincon. Djadumingu 19 di yüli ta kontinuá ku e klínika di 9’or te 11’or.
Tambe a plania dos dia mas di klínika riba 18 di ougustùs di 2’or te 4’or di mèrdia i riba 9 di ougùstus di 9’or te 11’or di mainta.
E organisashon ta pidi partisipantenan pa bisti paña di deporte i si ta posibel pa bini ku un propio wante. Registrashon di antemano ta obligatorio, pero entrada ta grátis. Coachnan ku tambe ke partisipá na e treinen òf ke asistí durante e klínika por registrá.
Un parti spesial di e klínika ta kontribushon di Patrick Girigorie, tata di e konosido sòftbolista J’Dah Girigorie. Segun e organisashon su partisipashon ta duna un kontribushon balioso pa sigui desaroyá sòftbòl femenino na Boneiru.
Inskribí aki pa e klínika di sòftbòl na Rincon