KRALENDIJK – E zeildó Boneriano Rocquí Martis a risibí ayudo finansiero di Fondo di Talento EYoung na Nòmber pa su proyekto di desaroyo Pebble in motion. Ernst & Young Dutch Caribbean den kolaborashon ku EY Cares a lanta e fondo, i Fondo di Kultura di Área di Karibe ta maneh’é.
Ku e kontribushon Martis por invertí den treinen i coachen pa sigui desaroyá su mes mas komo zeildó di kompetensia. E proyekto Pebble in motion ta kombiná prestashonnan deportivo ku desaroyo personal i mantenshon di patrimonio marítimo Karibense. Tambe ta dokumentá su trayekto den imáhen i historia pa inspirá otro hóben.
Segun e promotornan e ayudo ta yuda Martis pa prepará su mes riba un nivel di kompetensia internashonal mas haltu i e proyekto ta kontribuí na promoshon di deporte di bela bou di hóbennan.