FUERTEVENTURA – E siman benidero temporada di PWA 2026 ta ranka sali pa windsurfernan Boneriano durante kompetensianan na Fuerteventura, un di e sitionan mas ikóniko riba kalènder internashonal di windsurf.
Na Fuerteventura a introdusí na 2023 pa promé biaha un pista slalòm espektakular ku opstákulo. Na e momento ei e disiplina aki tabata konosí komo Super X. Na 2026 e tradishon aki ta bini bèk bou di e nòmber Slalòm-X, kaminda ta kombiná velosidat, téknika i saltonan spektakular riba un pista kompliká.
E evento ta kuminsá ku kompetensianan estilo liber pa hende hòmber i hende muhé di 17 te ku 21 di yuli. Despues ta sigui Slalòm-X, ku ta riba programa di 22 te ku 26 di yüli.
Partisipashon Boneriano
Boneiru ta representá ku un delegashon fuerte. Serka hende muhé Bobbi-Lynn de Jong i su ruman Kit de Jong ta partisipá na e parti Slalòm-X. Serka hende hòmber Amado Vrieswijk i Taty Frans ta aparesé na kuminsamentu di e Slalòm-X. Youp Schmit i Bjorn Saragoza ta partisipá den e kompetensia estilo liber.
E kompetensianan na Fuerteventura ta e promé evento di PWA World Tour 2026 i ta brinda e partisipantenan Boneriano mésora e oportunidat pa midi ku e tòp internashonal.