KRALENDIJK – E organisashon di Dutch Caribbean Research Week 2026 (DCRW2026) a anunsiá e oradónan pa siman di estudio sientífiko, i a pone e programa kompleto online. For di 17 pa 24 di yüni lo tuma lugá dianan di konferensia na seis eilanan Karibense alrededor di temanan ku ta relevante pa e región Karibense Hulandes.
Entre e oradónan keynote tin entre otro, Elly Rojer representando Boneiru, gezaghebber Alida Francis di Sint Eustatius i Raymond Jesserun di Sint Maarten. Durante e konferensia lo tuma lugá lekturannan, diskushonnan di pènel i aktividatnan kultural, ku e meta di trese investigadó nan, formuladónan di maneho i organisashonnan sosial huntu.
Dutch Caribbean Research Week ta wòrdu organisá pa e Organisashon Hulandes pa Investigashon Sientífiko (NWO) i lo tuma lugá na Aruba, Kòrsou, Boneiru, Saba, Sint Maarten i Sint Eustatius. Partisipashon ta gratis, pero registrashon ta obligatorio pa partisipashon físiko anto ku online.
E programa kompleto i informashon pa registrashon ta disponibel via www.dcrw.nl