KRALENDIJK – Tourism Corporation Bonaire (TCB) ta bai organisá su di dos Taste of Bonaire pa e aña akí den koperashon ku Telbo NV.
E evento ta tuma lugá riba djabierne 10 di yüli 2026 na Isidel Beach Park for di 6 or di atardi pa 10 or di anochi den un tremendo ambiente ku e tema ‘Talento’.
E programa ta kargá ku músika i talento i tin vários stènt ku ta bende kuminda lokal i internashonal. E agrupashon Hashtag, Ritmiko Rinconero i DJ Kiart lo ta presente pa animá e anochi aki. Pa hasi e Taste of Bonaire akí mas atraktivo ainda tin presentashon di Dreamgirlsz Dancers i pa pone e ‘cherry’ riba e bolo nada ménos ku All Star Dancers.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djabierne 10 di yüli 2026 na e di dos Taste of Bonaire edishon talento na Isidel Beach Park patrosiná pa Telbo NV.