WILLEMSTAD – Djadumingu anochi a koroná Bianty Rojer Gomperts komo Miss Universo Kòrsou 2026. El a vense sinku otro kandidato i por representá Kòrsou na luna di novèmber durante elekshon Miss Universo internashonal na Puerto Rico.
E organisashon ta elogiá Gomperts pa su perseveransia, kresementu personal i firmesa. Segun e organisashon su storia di bida i aporte a form’é komo un kandidato fuerte, lokual finalmente a resultá den e título tan deseá.
Ku e viktoria ta kuminsá un kapítulo nobo pa Gomperts. Den e fase preparatorio pa e elekshon internashonal e ta prepará su mes riba su ròl komo representante di Kòrsou riba mapa mundial.
E organisashon ta ekspresá su konfiansa den e miss nobo i ta felisitá tantu Gomperts komo Kòrsou ku e elekshon. “Kòrsou tin un representante nobo i digno ku lo propagá e isla internashonalmente,” segun e organisashon.
Tin un pakete di preis mará na su viktoria na balor di 50.000 florin. Un outo ta forma parti entre otro di esaki.