KRALENDIJK – Korte den Promé Instante di Boneiru a rechasá un huisio sumario di un hòmber ku ta indiká ku el a kumpra un derechi di èrfpagt riba un parsela na Boneiru na aña 2005. E hòmber tabata ke ku ta para e trabounan di konstrukshon riba e parsela i ku e lo haña akseso na e tereno.
Segun e demandante el a kumpra e derechi di èrfpagt na yüni 2005. El a kuminsá na aña 2006 ku konstrukshon di un kas riba e parsela, pero segun e sentensia e edifisio te ku awe no ta impenetrabel pa bientu i awa. E derechi di èrfpagt ta segun Kadaster ainda riba nòmber di esun originalmente ku derechi di èrfpagt.
El a bende e derechi di èrfpagt na ougùstùs 2025 pa 110.000 dòler ku un otro partido. Komienso di 2026 a kuminsá na kontinuashon ku trabounan di konstrukshon riba e parsela. E demandante a bai wes e ora ei.
Korte ta haña insufisientemente probá ku na 2005 bèrdaderamente a sera un akuerdo di kompra di e derechi di èrfpagt. No tin un akuerdo por eskrito. E demandante a transferí na 2005 i 2007 sí montantenan di respektivamente 2.200 i 5.000 florin pa esposa di esun ku originalmente tin derechi riba èrfpagt, pero segun wes no ta sali niun kaminda na kla ku e pagonan aki tabata pa kompra di e derechi di èrfpagt.
E echo ku e demandante a bai konstruí riba e parsela, ta insufisiente prueba segun wes. Esun ku originalmente tin derechi di èrfpagt a deklará ku e demandante por a bai konstruí riba propio gastu pa prevení ku Teritorio Insular lo a terminá e derechi di èrfpagt. Kiko lo sosodé ku e derechi di èrfpagt ora terminá e trabounan, lo a wak despues.
Na mes momentu wes ta mustra ku mientrastantu 21 aña a pasa for di dia di e supuesto benta. Ainda no a kumpli ku e kondishon ku tin un edifisio impenetrabel pa awa i bientu riba e parsela. Ku esei segun korte ta insufisiente aseptabel ku e wes den prosedimentu di fondo finalmente lo duna e demandante rason.
Pasobra ta konsiderá e derechi di èrfpagt por lo pronto komo propiedat di esun ku originalmente tin derechi di èrfpagt, e por a duna pèrmit pa trabounan di konstrukshon segun e wes di huisio sumario. P’esei a rechasá e demandanan pa para e konstrukshon i duna e demandante akseso na e parsela.
Ku esaki e kaso no ta kla definitivamente. Den un prosedimentu di fondo apart e demandante ta èksigí ainda kumplimentu ku e supuesto akuerdo di kompra di 2005 i entrega di e derechi di èrfpagt. E prosedura ta planiá pa tratamentu riba 30 di sèptèmber awor.